Námskeið fyrir persónuverndarfulltrúa
Þann 1. nóvember verður haldið námskeið hjá LOGOS lögmannsþjónustu fyrir persónuverndarfulltrúa og aðra þá sem hafa yfirumsjón með vinnslu persónuupplýsinga í sínu starfi.
Kennarar á námskeiðinu verða Áslaug Björgvinsdóttir og Hjördís Halldórsdóttir lögmenn, sem hafa víðtæka sérþekkingu á sviði persónuverndar auk þess að sinna hlutverki persónuverndarfulltrúa fyrir umbjóðendur.
Lögð verður áhersla á að hafa námskeiðið hagnýtt og farið verður yfir þau atriði sem reynt getur á í störfum persónuverndarfulltrúa og annarra sem bera ábyrgð á þessum málaflokki.
Meðal annarra atriða verður farið yfir eftirfarandi:
- aðgangs- og eyðingabeiðnir
- mat á áhrifum á persónuvernd (MÁP)
- viðbrögð við öryggisbrestum
- gerð vinnslusamninga
- hversu langt er hægt að ganga í ráðgjöf
- skýrslugjöf til stjórnar
LOGOS, Efstaleiti 5, 103 Reykjavík
Fimmtudaginn 1. nóvember frá kl. 9-12
Boðið verður upp á léttar kaffiveitingar í hléi
Verð: 30.000 kr.
Skráning fer fram hér
9. október 2018