LOGOS pennar í Ittala vasa

Umsókn um starf

Hjá LOGOS hafa metnaðarfullir lögfræðingar tækifæri til að taka þátt í spennandi verkefnum fyrir íslensk og erlend fyrirtæki.

Lögfræðingar LOGOS öðlast þjálfun og reynslu í margvíslegum lögfræðilegum álitaefnum í störfum sínum. Lögð er áhersla á endurmenntun lögfræðinga og meðal annars haldnir fræðslufundir auk námskeiða fyrir lögmenn stofunnar.  Þá er lögð áhersla á þátttöku í námskeiðum, ráðstefnum og kennslu.  Árlega sækja nokkrir liðsmenn LOGOS námskeið í útlöndum.

Nýir liðsmenn verða að standast kröfur um skipulögð vinnubrögð, nákvæmni og áreiðanleika og góða tungumálakunnáttu. Umsækjendur verða að vera reiðubúnir til þess að afla sér málflutningsréttinda á starfstímanum.

Ef þú hefur áhuga á að starfa hjá LOGOS vinsamlegast sendu okkur umsókn ásamt ferilskrá, kynningarbréfi og námsferilsyfirliti.

Laus störf

Erum að leita að öflugum fulltrúum til starfa á skrifstofu LOGOS í Reykjavík. Um fullt starf er að ræða og eru verkefnin fjölbreytt.

Meistarapróf í lögfræði sem og mjög góð íslensku- og enskukunnátta er áskilin. Leitað er að einstaklingum sem sýna sjálfstæði í vinnubrögðum, eru nákvæmir, einbeittir, metnaðarfullir og sýna vilja og getu til að takast á við krefjandi verkefni.

Áhugasamir eru beðnir um að senda inn ferilskrá ásamt kynningarbréfi og námsferilsyfirliti á netfangið umsoknir@logos.is fyrir 15. maí nk.

Persónuverndarstefna LOGOS - umsækjendur