Sérfræðingar LOGOS í gjaldþrotarétti og fjárhagslegri endurskipulagningu veita sérhæfða ráðgjöf, hvort sem um er að ræða greiðslustöðvun eða gjaldþrotaskipti, frjálsa eða þvingaða nauðasamninga eða hvers kyns aðra skuldaaðlögun. LOGOS hefur einnig tekið að sér hagsmunagæslu fyrir lánardrottna gjaldþrotabúa og fyrirtæki í greiðsluvanda.

LOGOS hefur náð góðum árangri í ráðgjöf við stóra og smáa aðila í greiðsluvanda, svo sem eignarhaldsfélög, skipafélög, lyfjasamsteypur og lífeyrissjóði. Sérfræðiþekking, stærð og sveigjanleiki LOGOS tryggir að hæfilegur fjöldi starfsmanna getur sinnt því verkefni sem liggur fyrir hverju sinni, innan þess tíma sem nauðsyn krefur. Að þessu leyti nýtur LOGOS sérstöðu á íslenskum markaði og er því ákjósanlegur kostur þegar leita þarf ráðgjafar vegna fjárhagslegrar endurskipulagningar eða gjaldþrotaskipta.

Samkvæmt álitsgjöfum matsfyrirtækisins The Legal 500 veita lögmenn LOGOS bæði skuldurum og kröfuhöfum framúrskarandi þjónustu.