Líkt og í flestum Evrópulöndum hefur raforkulöggjöf á Íslandi tekið miklum stakkaskiptum á undanförnum misserum. Leiðandi staða landsins í þróun jarðvarmaorku og annarra umhverfisvænna leiða til raforkuframleiðslu hefur haft gríðarleg áhrif á íslenskan orkumarkað og fyrir vikið hefur löggjöfin á því sviði þurft að aðlagast hratt að breyttu umhverfi. Allar þessar breytingar hafa sett LOGOS í leiðandi stöðu í ráðgjöf við íslensk og erlend orkufyrirtæki og stóriðjufyrirtæki um öll helstu málefni á þessu síbreytilega réttarsviði.

LOGOS býr yfir rúmlega aldarlangri reynslu af íslensku lagaumhverfi og hefur teymið okkar bæði viðamikla þekkingu og víðtæka reynslu af íslenskri orkulöggjöf. Árni Vilhjálmsson, Benedikt Egill Árnason og Ólafur Arinbjörn Sigurðsson, eru helstu sérfærðingar LOGOS á þessu sviði og hafa tekist á við fjölmörg verkefni í tengslum við orkulöggjöf. Framkvæmdastjóri LOGOS, Helga Melkorka Óttarsdóttir hefur einnig starfað mikið á sviði orkulöggjafar og njóta viðskiptavinir okkar góðs af þekkingu hennar á þeim réttarsviðum sem tengjast orkulöggjöf.