Vinnuréttur

Um árabil hefur vinnuréttarsvið LOGOS veitt innlendum sem og erlendum vinnuveitendum og samtökum atvinnurekenda ráðgjöf á öllum sviðum vinnuréttar.

Farþegar í flugstöð

Góðir starfskraftar eru ómissandi hverjum rekstri en lykillinn að vel reknu fyrirtæki er ekki síður aðgangur að áreiðanlegri sérfræðiþekkingu á þeim lögum og reglum sem gilda á sviði vinnuréttar. Um árabil hefur vinnuréttarsvið LOGOS veitt innlendum sem og erlendum vinnuveitendum og samtökum atvinnurekenda ráðgjöf á öllum sviðum vinnuréttar. Við aðstoðum einkafyrirtæki og opinbera aðila, hvort sem um er að ræða viðkvæm stjórnendamál, daglega ráðgjöf eða aðstoð í dómsmálum.

LOGOS hefur mikla reynslu af því að aðstoða atvinnurekendur við gerð kjarasamninga og ráðningarsamninga og koma fram fyrir hönd vinnuveitenda í deilum við launþega og samtök þeirra, svo sem varðandi samkeppnis- og trúnaðarákvæði í ráðningarsamningum.

Hjá LOGOS fá viðskiptavinir fyrsta flokks ráðgjöf um vinnurétt og starfsmannamál bæði innanlands og á alþjóðavettvangi í samstarfi við erlendar lögfræðistofur. Við ráðleggjum fyrst og fremst atvinnurekendum en einnig stjórnum og stjórnarmönnum í mismunandi atvinnugreinum. Við leggjum ríka áherslu á að ráðgjöf okkar sé fagleg og hagnýt og skapi aukin verðmæti fyrir viðskiptavini okkar.

LOGOS fær fyrstu einkunn hjá The Legal 500 og er þekkt fyrir að veita alhliða ráðgjöf á sviði vinnuréttar. Helsti sérfræðingur LOGOS á sviði vinnuréttar er Ólafur Eiríksson lögmaður. Hann er dómari við Félagsdóm og er talinn leiðandi á Íslandi á sviði vinnuréttar og í málflutningi hjá matsfyrirtækinu The Legal 500 auk þess sem hann sem hlýtur hæstu einkunn Chambers and Partners á sviði málflutnings.

„Very good knowledge of the employment law and regulations. They provide good advice on how to handle difficult employee matters and give practical answers. Exceptional availability - always ready to help immediately.“

- The Legal 500

Tengdar fréttir og greinar