Óttar Pálsson er lögmaður með leyfi til málflutnings fyrir Hæstarétti. Hann er með LL.M. gráðu í félaga-, banka- og verðbréfamarkaðsrétti frá University College London. Óttar starfaði hjá A&P lögmönnum, forvera LOGOS, á árunum 1997-1999, sem meðeigandi hjá LOGOS 2001-2006 og síðan aftur frá árinu 2011. Á árunum 2006-2010 starfaði Óttar hjá Straumi-Burðarási fjárfestingabanka hf., fyrst sem framkvæmdastjóri lögfræðisviðs og síðan forstjóri. Óttar hefur áralanga reynslu af lögmannsstörfum og hefur undanfarin ár unnið mikið sem ráðgjafi fyrir erlenda fjárfesta. Hann er einn reynslumesti lögmaður stofunnar í málflutningi. Helstu sérsvið Óttars, auk málflutnings, eru fjármögnun fyrirtækja og fjármagnsmarkaðir, fjármálafyrirtæki og regluverk þeirra, félagaréttur og fyrirtækjaráðgjöf, fjárhagsleg endurskipulagning, samrunar og yfirtökur. Óttar leiðir banka- og fjármögnunarteymi LOGOS. Hann situr í stjórnum nokkurra fyrirtækja, m.a. Kaupþings ehf. og ALMC hf. (áður Straumur-Burðarás fjárfestingabanki hf.). Þá hefur Óttar sinnt kennslustörfum um árabil við lagadeild Háskóla Íslands í hlutafélagarétti með áherslu á stjórnskipulag hlutafélaga og ábyrgð stjórnenda. Óttar hefur verið formaður siðareglunefndar Lögmannafélags Íslands frá árinu 2017.

Viðurkenningar
  • Chambers Global 2022 - Óttar Pálsson
  • Chambers Europe 2022 - Óttar Pálsson
  • IFLR1000 Highly Regarded Leading Lawyers 2022

„Óttar is revered as a market-leading lawyer for corporate and commercial matters, with one interviewee describing him as "extremely experienced." He frequently acts for lenders on a range of finance and refinance mandates.“

- Chambers Europe Legal Guide

Tengdar greinar