Reykjavík

Óttar Pálsson

Lögmaður, eigandi

Óttar Pálsson er lögmaður með leyfi til málflutnings fyrir Hæstarétti. Hann er með LL.M. gráðu í félaga-, banka- og verðbréfamarkaðsrétti frá University College London. Óttar starfaði hjá A&P lögmönnum, forvera LOGOS, á árunum 1997-1999, sem meðeigandi hjá LOGOS 2001-2006 og síðan aftur frá árinu 2011. Á árunum 2006-2010 starfaði Óttar hjá Straumi-Burðarási fjárfestingabanka hf., fyrst sem framkvæmdastjóri lögfræðisviðs og síðan forstjóri. Óttar hefur áralanga reynslu af lögmannsstörfum og hefur undanfarin ár unnið mikið sem ráðgjafi fyrir erlenda fjárfesta. Hann er einn reynslumesti lögmaður stofunnar í málflutningi. Helstu sérsvið Óttars, auk málflutnings, eru fjármögnun fyrirtækja og fjármagnsmarkaðir, fjármálafyrirtæki og regluverk þeirra, félagaréttur og fyrirtækjaráðgjöf, fjárhagsleg endurskipulagning, samrunar og yfirtökur. Óttar situr í stjórnum nokkurra fyrirtækja, m.a. Kaupþings ehf. og ALMC hf. (áður Straumur-Burðarás fjárfestingabanki hf.). Þá hefur Óttar sinnt kennslustörfum um árabil við lagadeild Háskóla Íslands í hlutafélagarétti með áherslu á stjórnskipulag hlutafélaga og ábyrgð stjórnenda. Óttar hefur verið formaður siðareglunefndar Lögmannafélags Íslands frá árinu 2017.


Starfsferill
  • LOGOS lögmannsþjónusta, 2011
  • ALMC hf., áður Straumur-Burðarás fjárfestingabanki hf., 2006-2010
  • LOGOS lögmannsþjónusta, 1997-2006
  • A&P lögmenn, 1997-2000
Menntun
  • Hæstaréttarlögmaður 2005
  • University College London, LL.M. í félaga-, banka- og verðbréfamarkaðsrétti 2001
  • Héraðsdómslögmaður 1998
  • Háskóli Íslands, cand.jur. 1997
Ritstörf
  • Skaðabótaábyrgð aðildarríkja EES-samningsins gagnvart einstaklingum og lögaðilum. (1998).Tímarit lögfræðinga, 48. árg. (2),  124-151
  • Ráðgefandi álit EFTA dómstólsins í máli Erlu Maríu Sveinbjörnsdóttur gegn íslenska ríkinu – meginregla um skaðabótaábyrgð. (1999). Tímarit lögfræðinga, 49. árg. (2), 111-140
  • Nokkur orð um dóm Hæstaréttar 16. desember 1999 í máli 236/1999. (2000) Úlfljótur, 53. Árg. (1),  95-101
  • Fiskveiðireglur Íslands og Evrópusambandsins – þróun, samanburður og staða Íslands. Úlfljótur,  Reykjavík 2003 (ásamt Stefáni Má Stefánssyni)
  • Kafli um Ísland í European Civil Practice (ritstj.: Alexander Layton og Hugh Mercer), Thomson – Sweet & Maxwell, London, 2004 (ásamt Ragnari Aðalsteinssyni)