Hjördís Halldórsdóttir er lögmaður með leyfi til málflutnings fyrir Hæstarétti. Hún er með LL.M. gráðu í lögum og upplýsingatækni frá Stokkhólmsháskóla. Hjördís hefur lengi verið einn af leiðandi lögmönnum á Íslandi á sviði upplýsingatækni og hugverkaréttar. Önnur sérsvið hennar eru kröfuréttur, þ.m.t. eins og hann varðar fjármálaþjónustu, málflutningur, verktakaréttur, opinber innkaup og orkulöggjöf. Hjördís hefur um árabil sinnt kennslu svo sem í upplýsingatækni, fasteignakauparétti og almennum viðskipta- og neytendarétti m.a. hjá lagadeild Háskóla Íslands, í Háskólanum í Reykjavík, hjá Opna Háskólanum, Endurmenntun og Lögmannafélagi Íslands. Auk þess hefur hún haldið fjölda námskeiða og fyrirlestra fyrir fyrirtæki og stofnanir í tengslum við persónuvernd og upplýsingatækni. Þá hefur hún sinnt kennslu á námskeiði til öflunar héraðsdómslögmannsréttinda frá árinu 2008. Hjördís er formaður Höfundaréttarfélags Íslands, er aðalmaður í Höfundaréttarnefnd, situr auk þess í stjórn Lögfræðingafélags Íslands og er varamaður í dómnefnd á vegum dómsmálaráðuneytisins sem fjallar um hæfi umsækjenda um embætti dómara. Hjördís hefur mikla reynslu af viðskiptalífinu og hefur m.a. setið í stjórnum Regins ehf., Eignarhaldsfélaginu Smáralind ehf. og Fasteignafélagi Íslands ehf. Árin 2007-2008 var hún ritari stjórnar Lögmannafélags Íslands og árin 2008-2009 varaformaður stjórnar. Hjördís hóf störf hjá LOGOS árið 2000, hefur verið meðeigandi frá árinu 2006 og er núverandi stjórnarformaður.

Viðurkenningar
  • Chambers Europe 2022 - Hjördís Halldórsdóttir
  • IFLR1000 Notable Practitioner Leading Lawyers 2022

„Hjördís advises on the full gamut of IP law, handling patent, trade mark and copyright matters. She assists with both contentious and non-contentious mandates.“

- Chambers Europe Legal Guide

Tengdar greinar og fréttir