Reykjavík

Helga Melkorka Óttarsdóttir

Lögmaður, eigandi og formaður stjórnar

Helga Melkorka er lögmaður með leyfi til málflutnings fyrir Hæstarétti. Hún er með LL.M. gráðu í Evrópurétti frá Ruprecht Karls Universität í Þýskalandi. Helga Melkorka hefur áralanga reynslu af lögmannsstörfum auk víðtækrar reynslu úr viðskiptalífinu. Hún hóf störf hjá LOGOS árið 2001 og starfaði sem framkvæmdastjóri félagsins á árunum 2013-2019. Helga Melkorka hefur yfirgripsmikla starfsreynslu á sviði samkeppnisréttar og Evrópuréttar. Hún hefur flutt dómsmál fyrir íslenskum dómstólum, samkeppnisyfirvöldum sem og EFTA dómstólnum og rekið fjölmörg mál hjá Eftirlitsstofnun EFTA. Önnur sérsvið hennar eru samkeppnisréttur, fyrirtækjaráðgjöf, fjármálaþjónusta og regluverk. Hún var aðjúnkt við lagadeild Háskólans í Reykjavík og við lagadeild Háskóla Íslands þar sem hún sinnti kennslu í Evrópurétti. Helga Melkorka hefur setið í stjórn í ýmsum félögum, m.a. sem stjórnarmaður í Lögmannafélagi Íslands árin 2003-2005, varaformaður árin 2005-2006 og hefur setið í stjórn Viðskiptaráðs frá árinu 2014. Helga hefur verið Ad hoc meðlimur í Eftirlitsstofnun EFTA síðan árið 2004.


Starfsferill
  • LOGOS lögmannsþjónusta, 2001- 
  • Sjálfstætt starfandi lögmaður, 1999-2000
  • Eftirlitsstofnun EFTA, 1994-1999
Menntun
  • Hæstaréttarlögmaður 2011
  • Héraðsdómslögmaður 1999
  • Ruprecht Karls Universität, LL.M. í Evrópu- og þjóðarrétti 1994
  • Háskóli Íslands, cand.jur. 1991